സിനിമയിൽ വിവാഹശേഷവും നായികയായി തിളങ്ങിയിട്ടുള്ള താരങ്ങൾ വളരെ കുറച്ച് മാത്രമാണ് മലയാള സിനിമ രംഗത്ത് ഉള്ളത്. സിനിമയിലേക്ക് വിവാഹത്തിന് മുമ്പ് എത്തുകയും നായികയായി അഭിനയിച്ച ശേഷം പിന്നീട് മറ്റു റോളുകളിലേക്ക് ഒതുങ്ങിപ്പോവുകയും ചെയ്യാറുണ്ട് ഈ താരങ്ങൾ. പക്ഷേ ഇക്കാര്യത്തിൽ ഏറെ വ്യത്യസ്തയാണ് തെന്നിന്ത്യയിൽ ഏറെ ആരാധകരുള്ള നടി കനിഹ. വിവാഹ ശേഷം ആണ് കനിഹ സിനിമകളിൽ നായികയായി കൂടുതൽ ശ്രദ്ധ നേടി തുടങ്ങിയത്.
കനിഹ അഭിനയ രംഗത്തേക്ക് കടന്നു വന്നത് ഫൈവ് സ്റ്റാർ എന്ന തമിഴ് സിനിമയിലൂടെയാണ്. എന്നിട്ടും എന്ന മലയാള സിനിമയിൽ നായികയായി വേഷമിട്ടിരുന്നു എങ്കിലും അത് അത്ര വിജയം ആയിരുന്നില്ല. പിന്നെ 3 വർഷത്തോളം കനിഹയെ സിനിമകളിൽ കണ്ടിട്ടില്ല. ഇത് കഴിഞ്ഞു താരം വിവാഹിതയാവുകയും ചെയ്തിരുന്നു. പിന്നെ കനിഹ തിരിച്ചെത്തിയത് 2009 ൽ പുറത്തിറങ്ങിയ ഭാഗ്യദേവത എന്ന സിനിമയിലൂടെ ആണ് .
തിരിച്ചുവരവിൽ സിനിമയിൽ ശരിക്കും തിളങ്ങുവാൻ താരത്തിന് സാധിച്ചു. മലയാള സിനിമകളിൽ സൂപ്പർ സ്റ്റാറുകൾക്കൊപ്പം നായികയായി അഭിനയിക്കാനും താരത്തിന് സാധിച്ചു. 2010 ൽ ഒരു മകനും കനിഹയ്ക്ക് ജനിച്ചു. മകന്റെ ജനനത്തിന് ശേഷവും ഇപ്പോഴും സിനിമകളിൽ കനിഹ സജീവമായി തുടരുന്നുണ്ട്. നായികയായി അഭിനയിക്കാനുള്ള ലുക്ക് ഇപ്പോഴും കനിഹ കാത്തുസൂക്ഷിക്കുന്നുണ്ട്. കനിഹ കണ്ടാൽ നാല്പത് വയസ്സുണ്ടെന്ന് പറയുകയുമില്ല.
ഇക്കാര്യം ഉറപ്പിക്കുകയാണ് കനിഹയുടെ പുതിയ ഒരു മിറർ ഫോട്ടോയിലെ ലുക്ക് . “ഒരു പ്രചോദനത്തിനായി തിരയുകയാണോ? അധികം അകലേക്ക് നോക്കരുത്. കണ്ണാടിയിൽ നോക്കിയാൽ മതി. നീ ഒരുപാട് ദൂരം വന്നിരിക്കുന്നു..”, എന്ന് തന്റെ ചിത്രങ്ങൾക്ക് ഒപ്പം കുറിച്ചു കൊണ്ടാണ് കനിഹ ഇത് പോസ്റ്റ് ചെയ്തിരിക്കുന്നത്. നടി പൂജ രാമചന്ദ്രൻ കനിഹയുടെ ഫോട്ടോയ്ക്ക് താഴെ നൽകിയ കമന്റ് ഹോട്ടി എന്നാണ്.
