മലയാളത്തിലെ യുവതാരങ്ങളിൽ ശ്രദ്ധേയരായ നടൻ ഷെയ്ൻ നീഗം, ഷൈൻ ടോം ചാക്കോ എന്നിവരെ കേന്ദ്ര കഥാപാത്രങ്ങൾ ആക്കി ഒരുക്കുന്ന പുത്തൻ ചിത്രമാണ് കൊറോണ പേപ്പേഴ്സ് . പ്രശസ്ത സംവിധായകൻ പ്രിയദർശൻ ആണ് ഈ ആക്ഷൻ ത്രില്ലർ ചിത്രം ഒരുക്കുന്നത് . ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് കൊറോണ പേപ്പേഴ്സിന്റെ ഒഫീഷ്യൽ ട്രെയിലർ വീഡിയോ ആണ് . ജ്യോതിക, സൂര്യ ,മോഹൻലാൽ ,മഞ്ജു വാര്യർ തുടങ്ങി താരങ്ങൾ എല്ലാം ചേർന്നു കൊണ്ടായിരുന്നു ചിത്രത്തിൻറെ ട്രെയിലർ വീഡിയോ പുറത്തുവിട്ടത്. ആശിർവാദ് സിനിമാസിന്റെ യൂട്യൂബ് ചാനലിലൂടെ പ്രേക്ഷകരിലേക്ക് എത്തിയ ചിത്രത്തിൻറെ ട്രെയിലർ വീഡിയോ മണിക്കൂറുകൾകൊണ്ട് ലക്ഷക്കണക്കിന് കാഴ്ചക്കാരെയാണ് നേടിയത്.
ഒന്നേമുക്കാൽ മിനിറ്റ് ദൈർഘ്യമുള്ള ഈ വീഡിയോയിൽ നിന്നും ചിത്രം ഒരു പക്കാ ആക്ഷൻ ത്രില്ലർ ആണെന്ന് മനസ്സിലാക്കാം. കിടിലൻ സ്റ്റണ്ട് രംഗങ്ങളോടെയാണ് ഈ ട്രെയിലർ വീഡിയോ ഒരുക്കിയിട്ടുള്ളത്. നടൻ ഷെയിൻ നീക്കം ഒരു പോലീസ് കഥാപാത്രത്തെയാണ് ഈ ചിത്രത്തിൽ അവതരിപ്പിക്കുന്നത്. ട്രെയിലർ വീഡിയോയിൽ നിന്നും ചിത്രത്തെ കുറിച്ചുള്ള പ്രതീക്ഷകളും വർധിച്ചിരിക്കുകയാണ്. ഈ ത്രില്ലർ ചിത്രത്തിലൂടെ സംവിധായകൻ പ്രിയദർശന്റെ മികച്ച ഒരു തിരിച്ചുവരവാണ് പ്രേക്ഷകർ ആഗ്രഹിക്കുന്നത്.
ചിത്രത്തിൻറെ നിർമ്മാണം നിർവഹിക്കുന്നത് ഫോർ ഫ്രെയിംസ് സൗണ്ട് കമ്പനി ആണ് . സിദ്ദിഖ്, ജീൻ ലാൽ , ഗായത്രി ശങ്കർ , സന്ധ്യ ഷെട്ടി , മണിയൻപിള്ള രാജു, വിജിലേഷ് , ഹന്ന റെജി കോശി എന്നീ താരങ്ങളും ചിത്രത്തിലെ മറ്റ് സുപ്രധാന വേഷങ്ങൾ കൈകാര്യം ചെയ്യുന്നുണ്ട്. കെ പി ആണ് ചിത്രത്തിൻറെ സംഗീത സംവിധായകൻ. ദിവാകർ മണി ക്യാമറ ചലിപ്പിച്ച ഈ ചിത്രത്തിൻറെ എഡിറ്റിംഗ് നിർവഹിച്ചിരിക്കുന്നത് അയ്യപ്പൻ നായർ ആണ് . ആക്ഷൻ രംഗങ്ങൾക്ക് പ്രാധാന്യം നൽകിയിട്ടുള്ള കൊറോണ പേപ്പേഴ്സിന്റെ സ്റ്റണ്ട് കൊറിയോഗ്രാഫേഴ്സ് രാജശേഖർ, രവി ത്യാഗരാജൻ എന്നിവരാണ് .
