അഭിനയ രംഗത്തേക്ക് തെലുങ്ക് സിനിമയിലൂടെ തുടക്കം കുറിച്ച മലയാളി താരപുത്രിയാണ് നടി കല്യാണി പ്രിയദർശൻ. കല്യാണി പ്രശസ്ത സംവിധായകൻ പ്രിയദർശന്റെയും നടി ലിസിയുടെയും മൂത്തമകളാണ് . മാതാപിതാക്കളുടെ പാത പിന്തുടർന്ന് സിനിമയിലേക്ക് ചുവട് വച്ച കല്യാണി ഇന്ന് തെന്നിന്ത്യയിൽ ഒട്ടേറെ ആരാധകരുള്ള യുവ നടിമാരിൽ ഒരാളാണ്. തന്റെ അഭിനയ മികവ് ഒന്ന് കൊണ്ട് മാത്രമാണ് കല്യാണിയ്ക്ക് ഇത്രയേറെ ശോഭിക്കാൻ സാധിച്ചത്.
ക്രിഷ് 3 എന്ന ഋതിക് റോഷൻ നായകനായ ചിത്രത്തിൽ അസിസ്റ്റന്റ് പ്രൊഡക്ഷൻ ഡിസൈനറായി ജോലി ചെയ്തിട്ടുണ്ട് കല്യാണി , കൂടാതെ ഇരുമുഖൻ എന്ന തമിഴ് ചിത്രത്തിന്റെ അസിസ്റ്റന്റ് ആർട്ട് ഡയറക്ടറായും ജോലി ചെയ്തിട്ടുണ്ട്. ഇതിന് ശേഷമാണ് നായികയായി കല്യാണി സ്ക്രീനിൽ പ്രത്യക്ഷപ്പെടുന്നത്. മലയാളത്തിലേക്ക് കല്യാണി എത്തുന്നത് വരനെ ആവശ്യമുണ്ട് എന്ന സിനിമയിലൂടെയാണ്. അത് കഴിഞ്ഞ് മരക്കാറിലും കല്യാണി വേഷമിട്ടു.
തൻറെ ബാല്യകാല സുഹൃത്തായ താരപുത്രൻ പ്രണവ് മോഹൻലാലിൻറെ നായികയായി കൊണ്ട് വിനീത് ശ്രീനിവാസൻ സംവിധാനം ചെയ്ത ‘ഹൃദയം’ എന്ന സിനിമയിൽ കല്യാണി അഭിനയിച്ചിരുന്നു. ഈ ചിത്രത്തിൽ ഇരുവരും ഒരുമിക്കുന്നതിന് മുൻപ് തന്നെ പ്രണവും കല്യാണിയും ഒന്നിച്ചുള്ള ഫോട്ടോസ് ആരാധകർ ഏറ്റെടുക്കാറുണ്ട്. ഇരുവരും തമ്മിൽ പ്രണയത്തിലാണെന്ന് പ്രചരിപ്പിച്ചുകൊണ്ടുള്ള നിരവധി വാർത്തകളും സാമൂഹ്യ മാധ്യമങ്ങളിൽ ഇടം പിടിച്ചിരുന്നു. അതൊക്കെ വ്യാജമാണെന്ന് കല്യാണി തന്നെ പറഞ്ഞിട്ടുമുണ്ട്.
ഇപ്പോഴിതാ കല്യാണി പ്രണവിനും പ്രണവിന്റെ സഹോദരി വിസ്മയക്കും മറ്റ് അടുത്ത സുഹൃത്തുകൾക്കും ഒപ്പം സിംഗപ്പൂരിൽ യാത്ര ചെയ്തതിന്റെ ചിത്രങ്ങൾ സോഷ്യൽ മീഡിയ പ്ലാറ്റ്ഫോമുകളിൽ പോസ്റ്റ് ചെയ്തിരിക്കുകയാണ്. പ്രണവിന് ഒപ്പമുള്ള ഫോട്ടോസ് ആയതുകൊണ്ട് തന്നെ ഈ പോസ്റ്റുകൾ വളരെ വേഗം വൈറലായി മാറി. ഇത് കൂടാതെ അതിനൊപ്പം സിംഗപ്പൂർ യാത്രയുടെ വേറെയും ഫോട്ടോസ് കല്യാണി പങ്കു വച്ചിട്ടുണ്ട്. കല്യാണിയെ കാണാൻ എന്തൊരു ക്യൂട്ട് ആണ് എന്നാണ് ചിത്രങ്ങൾ കണ്ട് ആരാധകർ പറയുന്നത്.
