വെട്രിമാരന്റെ സംവിധാന മികവിൽ തമിഴ് താരം സൂരിയെ നായകനാക്കി ഒരുക്കുന്ന പുത്തൻ തമിഴ് ചിത്രമാണ് വിടുതലൈ ഭാഗം 1. സൂരിയുടെ നായക അരങ്ങേറ്റ ചിത്രമായ വിടുതലൈ ഒരു പീരിയഡ് ക്രൈം ത്രില്ലറായാണ് ഒരുക്കിയിട്ടുള്ളത്. ഈ ചിത്രത്തിന്റെ കഥ തയ്യാറാക്കിയത് തുണൈവൻ എന്ന ചെറുകഥയെ ആസ്പദമാക്കിയാണ്. ഈ ചിത്രത്തിൻറെ ഒഫീഷ്യൽ ട്രെയിലർ ഇപ്പോൾ പ്രേക്ഷകർ ഏറ്റെടുത്തിരിക്കുകയാണ് . രണ്ടേമുക്കാൽ മിനിറ്റ് ദൈർഘ്യമുള്ള ഈ വീഡിയോ സോണി മ്യൂസിക് സൗത്ത് യൂട്യൂബ് ചാനലിലൂടെയാണ് പ്രേക്ഷകരിലേക്ക് എത്തിയത്. 59 ലക്ഷത്തിലധികം കാഴ്ച്ചക്കാരെയാണ് മണിക്കൂറുകൾ കൊണ്ട് ഈ വീഡിയോ സ്വന്തമാക്കിയത്.
ട്രെയിലറിൽ ഉൾപ്പെടുത്തിയിട്ടുള്ളത് പീപ്പിൾസ് ആർമി എന്ന വിഘടനവാദ ഗ്രൂപ്പിന്റെ തലവനായ പെരുമാൾ എന്ന വാത്തിയാരെ പിടിക്കാൻ ശ്രമിക്കുന്ന ചില രംഗങ്ങളാണ് . പോലീസുകാർ ഓപ്പറേഷൻ ഘോസ്തുണ്ട് എന്ന പേരിൽ നടത്തുന്ന പരാക്രമങ്ങളും അതേ തുടർന്നുള്ള പ്രശ്നങ്ങളും മറ്റുമാണ് ഈ വീഡിയോയിൽ കാണാൻ സാധിക്കുന്നത്. കുമരേശൻ എന്ന കോൺസ്റ്റബിൾ ഈ ഓപ്പറേഷനിലേക്ക് റിക്രൂട്ട് ചെയ്യപ്പെടുന്നു. ഈ കഥാപാത്രത്തെ അവതരിപ്പിക്കുന്നത് നടൻ സൂരി ആണ്. നടൻ വിജയ് സേതുപതിയാണ് പെരുമാൾ എന്ന വാത്തിയാരായി വേഷമിടുന്നത് . ഇവരെ കൂടാതെ ഗൗതം വാസുദേവ് മേനോൻ , ഭവാനി ശ്രീ , പ്രകാശ് രാജ് , മുന്നാർ രമേഷ് , ശരവണ സുബ്ബൈയ്യ , രാജീവ് മേനോൻ , ചേതൻ , ഇളവരസ് എന്നിവരാണ് ചിത്രത്തിലെ മറ്റ് ശ്രദ്ധേയ വേഷങ്ങൾ കൈകാര്യം ചെയ്യുന്നത്.
ഈ ചിത്രം തിയേറ്ററുകളിൽ റിലീസ് ചെയ്യുന്നത് ഈ വരുന്ന മാർച്ച് 31ന് ആയിരിക്കും . എൽറെഡ് കുമാർ നിർമ്മിക്കുന്ന ഈ ചിത്രം ആർ എസ് ഇൻഫോടൈൻമെന്റിന്റെ ബാനറിൽ ആണ് ഒരുങ്ങുന്നത്. ഈ ചിത്രത്തിന്റെ സഹ നിർമ്മാണം നിർവഹിക്കുന്നത് വി മണികണ്ഠൻ ആണ്. ആർ വേൽരാജ് ഛായാഗ്രഹണം നിർവഹിച്ച ഈ ചിത്രത്തിൻറെ എഡിറ്റിംഗ് കൈകാര്യം ചെയ്യുന്നത് ആർ രാമർ ആണ് . ചിത്രത്തിലെ ആക്ഷൻ രംഗങ്ങൾക്ക് പിന്നിൽ പ്രവർത്തിച്ചിരിക്കുന്നത് പീറ്റർ ഹെയ്ൻ, ശിവ എന്നിവരാണ് . ജയമോഹൻ ആണ് ചിത്രത്തിൻറെ കഥ ഒരുക്കിയത്. ചിത്രത്തിൻറെ സംഗീതസംവിധായകൻ ഇളയരാജ ആണ് .
